claude-monet-the-water-lily-pond-84349

இப்பாசிபடிந்த குளத்தின்
ஒற்றை அல்லிப்பூ நீர்.

கசடுகளில் கரைந்த என் நிழலில் சுகந்தம் பரப்பிய
கொடிமல்லி நீர்.

இவ் இருண்ட தண்ணீர்ப்படலத்தினை ஊடுருவிப்பாயும்
செவ்வொளிச் சூரியப் பூ நீர்.

எறிபட்ட கற்களின் சுமையில்
தளும்பிக் கிடந்த என் கரைகளை
அணைத்து வளர்ந்த புற்களில்
மலர்ந்த பூக்களெல்லாம்
உம் சொற்கள்.

மென்னிதழ்
மென்னிதயம்
உடையவரெல்லாம் பூவென்றழைக்கத் தகுந்தவரெனில்,
ஒரு பெண்ணைத்தான் பூவென்று சொல்ல வேண்டுமென்றில்லை.

தர்மினி

Advertisements